E pranon Dash Shehi: Edhe PD ka blerë vota

Kandidati i PD-së në qarkun e Tiranës, Dahamir Shehi, e ka pranuar se edhe Partia Demokratike ka blerë vota kur ka qenë në pushtet.

Ai tha në “Opinion” se ndryshimi me PS është se Pd nuk ka blerë kaq shumë vota duke përdorur paratë e buxhetit të shtetit.

“Kam 30 vite që bëj politikë dhe mezi i bëj 6 mijë vota. Këtu vjen një njeri nga hiçi dhe merr 15 mijë vota. Sigurisht që paratë do luajnë rol nëpër zgjedhje. Asnjëherë sa këtë radhë nuk ka qenë kaq e rëndësishme paraja.

Edhe PD kur ishte në pushtet i ka bërë këto gjëra, por jo në këtë dimension. Nuk është puna që dy tifozë, një i PD-së dhe një i PS-së dhe ky i PS-së është bujar dhe hedh pare për të mundur PD-në. Nuk është puna kështu sepse do të ishte shumë bukur. Puna është se ky i PS-së përdor shtetin, paratë e shtetit. Për mua kr1mi më i rëndë është kjo e patronazhistëve. Ky është kr1mi më i madh, jo u shitën ca fukarenj aty e atje, nuk më shqetësojnë fare”, tha Shehi.