I fejuar me Jonidën, por shkon me një tjetër, Ermal Mamaqi zbulon detaje nga seriali në ‘H.O.T’

Teksa na ndan vetëm 1 javë nga nisja e serialit të shumëpritur “H.O.T”, që do të transmetohet më 24 tetor në ekranin e TV Klan, Ermali ka zbuluar sot në “Jo vetëm modë” detaje nga historia e këtij seriali, që vërtet duket shumë i nxehtë që nga titulli.
Ermali tregoi se në serial ai është regjisor dhe punon në një kompani reklamash. E fejuara e tij është Jonida Vokshi që është dhe vajza e pronarit. Por në serial, Ermali është i dashuruar me ish-in që jeton në Amerikë, rol i luajtur nga Klea Huta.

Prisni se ka akoma…
Ditën e parë të një reklame, Ermali bën dashuri me një modele, Megi Pojanin.

“Disa pjesë i kemi prerë”, tha Ermali duke qeshur e duke treguar se kanë xhiruar edhe skena të nxehta.

Seriali nis në 24 tetor dhe do të jetë më ekran për 10 javë. Ermali zbuloi gjithashtu se seriali do vazhdojë edhe për 2 sezone të tjera.