Ish-minstrja e LSI-së përlotet në studio, tregon momentin më të vështirë të jetës

Ish-ministja Klajda Gjosha u përlot teksa rrëfente kur përcolli në banesën e fundit babain e saj të ndjerë.
“E para është një këngë për prindërit e mi, nga ku mamin tim në këto momente më duhet ta përshëndes me këtë këngë. Është një këngë me të cilën ajo zgjohet çdo mëngjes dhe bie çdo darkë për të fjetur. Është këngë që prindërit e mi e kanë kërcyer në çdo festë familjare, shoqërore por jp vetëm. Çdo mëngjes ata të dy zgjoheshin duke vendosur këtë këngë duke e kërcyer dhe pastaj duke u larguar për në punë. Sot babai im nuk jeton më, por edhe ditën e fundit ne e kemi përcjellë pikërisht me këtë këngë. Kjo këngë për mua është shumë, është gjithçka dhe sa herë e dëgjoj sjell kujtime të jashtëzakonshme të familjes sime. Është një këngë që mban gjallë të gjithë ato momente të prindërve të mi dhe të familjes”.

Për të ky duket se ka qenë një nga momente më të vështira të jetës së saj, pasi nga njëra duhet të ruante qetësinë e nga ana tjetër t’ia komunikonte motres së saj që jeton në Hollandë, por që ishte në periudhë shtatzanie.
“Ka qenë shumë e vështirë për mua sepse kam qenë unë personi që do t’ia jepja lajmin. Me duhej që përveçse të komunikoja atë çka kishte ndodhur, të ruaja edhe situatën e saj sepse nuk doja kurrsesi që në momente e fundit para se të lindte të krijohej edhe një incident me fëmijën”, tha ajo për abc news.