“Kam punuar në një klub nate në Ibiza”, moderatorja sportive flet për jetën private

Moderatorja e sportit, Albana Bejko ka folur për jetën e saj private dhe profesionale, ku ka rrëfyer gjëra që nuk i kishim dëgjuar më parë. E ftuar në emisionin “Mos i fol shoferit”, ajo ka treguar se ka ardhur në jetë në kohën kur prindërit e saj kanë emigruar në Hollandë në vitet ’97.

“Në Ibiza kam shkuar kur kam qenë 20 vjeç, ishte verë dhe unë doja të bëja një eksperiencë ndryshe, nuk doja që ta kaloja verën kafeve siç ndodh rëndom në Shqipëri.Një shoqja ime e cila studionte në Bullgari më tha se kishte një eksperiencë të tillë një vit më parë. Punonte në Ibiza si PR në sektorin e marrëdhënieve me publikun në një club të madh veror. Unë e mora vendimin shumë papritur, bëra një rezervim të një shtëpie atje, por që shtëpia do lirohej dy javë më vonë seç unë do nisesha dhe kam marrë valixhet dhe kam ikur kuturu.

Isha edhe me njerëz të tjerë, por megjithatë përgjegjësinë gjithësecili e kishe për veten. Mbërrita aty dhe nuk dija se ku do qëndroja sepse ishte piku i sezonit dhe ishte shumë e vështirë. Hotelet ishin shumë të shtrenjta, ishte një sfidë për mua si një 20-vjeçare. Gjeta një hotel që konsiderohej si i lirë që ta përballoja për dy javë të paktën. Natën e parë shkova të shikoja si funksiononte ajo puna që presupozohej që unë të bëja, të nesërmen kërkova punë tek një nga këto clubet, të pasnesërmen u pranova dhe fatmirësisht më eci mirë. Ishte eksperiencë shumë e bukur për mua sepse kam jetuar me nacionalitete të ndryshme.”