Rindërtimi pas tërmetit, Rama ka një kërkesë për qytetarët e prekur: Jemi gati për të hapur garën, por më vjen keq që…

Në mbledhjen e katërt të Komitetit Kombëtar të Rindërtimit pas tërmetit të 26 nëntorit, kryeministri Edi Rama u ka bërë thirrje qytetarëve të prekur nga dëmet e shkaktuara dhe në pritje të banesave të tyre të reja të bëjnë durim sepse projektet duan kohë.

Në fjalën e tij, kryeministri garantoi edhe një herë se çdo qindarkë e grumbulluar dhe destinuar për rindërtimin është në pritje të ekzekutimit të projekteve.

RAMA: “Jemi gati që në ditët e ardhshme të dalim në procesin e garës së hapur ndërkombëtare për të ftuar kompanitë që do ofrojnë suport për shtëpitë individuale dhe kemi edhe të gjithë të dhënat lidhur me institucionet e shërbimit arsimor e shëndetësor si dhe hyrjen në fazën e projektimit për të bërë të mundur që në një kohë shumë shpejt të fillojmë edhe me këto procedurën e garave që të nisë rindërtimi.

Krahasuar me proceset normale të analizës, planifikimit e projektimit, kemi ecur shumë shpejt por nga ana tjetër jemi të vetëdijshem që njerëzit kanë cdo orë pyetjen se kur do kthehen në shtëpi e për këtë dua të kërkoj me shumë përulësi durimin e tyre se ne duam të bëjmë një rindërtim ku gjithcka të jetë sipas standarteve dhe kushteve optimale për ato kategori ndërtesash që janë pjesë e procesit dhe ku në fund gjithkush të marrë një shtëpi më të mirë se ajo që kishte, është e nevojshme të bëhet pak durim më vjen keq që në raste të caktuara kam parë edhe desinformim edhe përpjekje për të njollosur procesin duke njollosur edhe miqtë që janë të përfshirë.

Cdo qindrakë e publikut qoftë përmes buxhetit, donacioneve, në drejtim të qeverisë, oerganizatave të përfshira në këtë proces është në pritje të ekzekutimit të projekteve, kjo kërkon edhe pak kohë se projektet duan kohën e tyre”.