Vuloset sot ‘fati’ i Shqipërisë, zbardhet vendimi i Italisë dhe Greqisë për negociatat

Sot pritet vendimi për çeljen ose jo të negociatave për Shqipërinë dhe Maqedoninë e Veriut, teksa liderët e BE do të mblidhen në samitin e Brukselit.

Ndërkohë deri më tani tre vende janë pozicionuar kundër Shqipërisë, Franca, Holanda dhe Danimarka. Sakaq, është zbardhur edhe vendimi i Greqisë dhe Italisë lidhur me negociatat, të cilat mbështesin çeljen e negociatave.

Për Romën zyrtare, nisja e bisedimeve të pranimit në BE do të ishte përparësi në këtë kohë duke konsideruar “momentin depresiv” të largimit nga Uninioni i Britanisë.

Italia nxiti një “mesazh të qartë politik” në favor të një të ardhme dhe pranimi përfundimtar, ka mësuar Euractiv.

Kryeministri grek Kyriakos Mitsotakis (Demokracia e Re-EPP) tha se Athina mbështeti rrugën e BE-së të Maqedonisë së Veriut dhe Shqipërisë, me kusht që ata “të respektojnë plotësisht marrëveshjet ndërkombëtare që kanë nënshkruar, t’i përmbahen shtetit të së drejtës dhe natyrisht, të respektojnë të drejtat e pakicave” .

Nuk ka asnjë koment zyrtar të qeverisë për “veton” e Francës pasi Athina dhe Parisi kanë qenë në bashkëpunim të ngushtë muajt e fundit për një numër çështjesh. Por burimet qeveritare i thanë EURACTIV.gr se Greqia as nuk do të kundërshtonte, në kushtet e mësipërme, dhe as nuk do t’i shtynte vendet e tjera të mendojnë.

Opozita e majtë Siriza akuzoi Mitsotakis për hipokrizi për mbështetjen e tij për Maqedoninë e Veriut, duke pasur parasysh që kur ishte në opozitë ai kundërshtoi marrëveshjen për ndryshimin e emrit me Shkupin. Ish-kryeministri Alexis Tsipras haptas mbështeti Maqedoninë e Veriut për të filluar bisedimet e BE-së ndërsa për Shqipërinë, ai vetëm foli për një plan udhërrëfyes me kushte, veçanërisht kur bëhet fjalë për pakicën greke që jeton atje.