Humb djalin e vetëm, mesazhi prekës i shkrimtares shqiptare: S’është e lehtë ta lyejë bojën me të zezë

Shkrimtarja e njohur Flutura Açka ka humbur djalin e saj të vetëm. Ka qenë vet Açka që ka ndarë me miqtë lajmin e hidhur, ndërsa i ka kushtuar disa fjalë rrëqethëse birit të saj.

Mësohet se djali i saj, ndonëse i ri në moshë, vuante nga një sëmundje e rrallë, që fatkeqësisht i mori dhe jetën.

MESAZHI I ACKËS
Miqtë e mi,
Mbrëmë, në një orë të vonë të natës, u nda nga jeta Biri im i vetëm, Jerin van den Brink, në të tetëmbëdhjetat e tij, prej një sëmundjeje shumë të rrallë, nga e cila vuajti kohët e fundit. Nuk është e lehtë për një nënë ta lyejë bojën me të zezë për të tillë lajm, as ta pranoj humbjen e qenies më të dashur që pata, dhe kam, mbi këtë dhé. Me drojën se nuk do të mësohem kurrë me mungesën e tij, uroj të dëgjoj vetëm lajme të mira prej jush. Sipas dëshirës së Jerinit, ceremonia e lamtumirës do të mbahet me një rreth të ngushtë familjar e shoqëror në Utrecht të Holandës, ku im Bir jetonte prej disa vitesh, pas një fëmijërie të gjatë në Shqipëri. Për miqtë e mi në Shqipëri, do të jem në Atdhe përgjatë muajit qershor.

Flutura