Sulmohet gazetari i njohur shqiptar: Ishin nja 15 veta, me kapuçë e me maska, më shqyen rrobat…

Një ngjarje e rëndë ka ndodhur në Tiranë ku është sulmuar fizikisht gazetari i njohur Ismet Drishti, pronar i televizionit “Zjarr Tv”.

Në një rrëfim për newsbomb.al, Drishti ka zbuluar se kanë qenë rreth 15 veta me kapuçë e me maska të cilët fillimisht kanë sulmuar televizionin e tij dhe më pas vetë atë.

“Ishin nja 15 vetë, të gjithë me kapucë e me masa. Fillimisht kanë gjuajtur televizionin.

Unë dola menjëherë. U konfrontuan dhe me mua, më shqyen rrobat e gjithcka. Lajmërova policinë, me erdhën vetëm dy policë. Kur bëra ca telefonata më sollën furgon policie. Ndërkohë që deri në 12.00 të natës furgoni policsë ka qenë këtu por ajo që më shqetëson është se biznesi përballë ka kamera. Kam marrë në telefon sot dhe u kam thënë që të vijnë të shofin kamerat dhe të evidentojnë autorët akoma nuk kanë ardhur”, ka rrëfyer gazetari për newsbomb.al.

“Ndoshta kanë qenë edhe grup adoleshentësh, përdorues hashashi. Por me kërkënd s’kemi pasur konflikt ndaj dyshoj se kanë ardhur posacerisht për televizionin dhe çuditërisht, askush nga policia nuk lëviz as sot për të marrë kamerat”, denoncon Drishti.