KËRKOHEJ NGA INTERPOLI, ARRESTOHET GRUAJA E ‘MIRIT TË XHIKËS’ (EMRI)

Policia e Tiranës në bashkëpunim me Interpolin, ka bërë të mundur arrestimin e ish-gruas së Mirit të Xhikës, Manjola Prifti.

43 vjeçarja Prifti, u arrestua ditën e djeshme nën akuzën e pjesëmarrjes në organizata kriminale. Manjola Prifti mësohet se ishte dënuar me 7 vite burg nga policia italiane, ndërsa është arrestuar në Tiranë me qëllim ekstradimi.

Prifti është arrestuar edhe një herë tjetër në vitin 2012, ndërsa Miri i Xhikës është ekzekutuar 9 vite më parë në ambjentet e ‘Kartodromit’ në Lundër.

Miri i Xhikës” emri i vërtetë të cilit është Fatmir Rama është cilësuar si i forti i Shqipërisë, pasi ishte bërë njeriu më i fuqishëm në Shqipëri dhe më i pasuri.

Ne vitin 2002 vetë Fatos Nano shkonte tek “Kartodromi” resorti i Mirit të Xhikes. Thuhet se Nano është konfliktuar dhe përzënë nga vetë Fatmir Rama, sepse shmangte faturat, sipas raportimeve të disa viteve më parë. Në vitin 2003 ai u vra, sipas “gojdhënave” nga hakmarrja e politikës së ndyrë shqiptare. Nga biznesi i tij i drogës numëroheshin në vit 80 milion euro fitime neto.

NJOFTIMI I POLICISË:
Policia e Tiranës në bashkëpunim me Interpol Tirana kanë bërë arrestimin provizor me qëllim ekstradimi të shtetases: Manjola Prifti, 43 vjeç, banuese në Tiranë. Kjo shtetase ishte e shpallur në kërkim ndërkombëtar pasi:

Autoritetet Gjyqësore Italiane, e kanë dënuar shtetasen Manjola Prifti me 7 vjet, 3 muaj dhe 15 ditë burg, për veprën penale “Pjesëmarrje në organizatë kriminale, me qëllim trafikimin e lëndëve narkotike” bazuar në nenin 110 të Kodit Penal Italian dhe Neni 73 e 74 të Dekretit të Presidentit Italian nr. 309/90. Materialet u referuan në Prokurorinë pranë Gjykatës së Shkallës së Parë Tiranë.