Arrestimi i Ilir Metës emergjencë kombëtare, 400 mijë euro apartament me paratë e korrupsionit

Gjyqtarët po fluturojnë jashtë sistemit të drejtësisë për një garazh dhe një makinë, Ilir Meta President me dhjetëra milionë euro pasuri të paligjshme

Freedom House e cilësoi para disa ditësh si simbol të korrupsionit në Shqipëri.

Sipas një raporti konfidencial të OSBE ai ka lidhje të forta me kriminelë si dhe ka porositur dy vrasje kur ishte zv/kryeministër.

Ambasadorë të vendeve më të fuqishme të botës kërkojnë prej vitesh arrestimin e tij, si një hap që do të afronte Shqipërinë me Bashkimin Evropian.

Ky është Ilir Meta, një ndër politikanët më të korruptuar dhe të pasur më Ballkan, me vetëm dy rroga si burime të ligjshme të ardhurash.

Ky personazh, i cili ka 27 vjet që pasurohet dhe vjedh shqiptarët, sot është President i Shqipërisë me votat e Edi Ramës.

Sot më shumë se kurrë arrestimi i Ilir Metës dhe konfiskimi i pasurisë së tij në bazë të ligjit anti-mafia është një emergjencë të kombëtare.

Çdo strategji kundër korrupsionit, çdo fjalë, çdo plan dhe çdo retorikë është një flluskë sapuni, për sa kohë Ilir Meta nuk arrestohet dhe nuk i sekuestrohen pasuritë.

Vetëm gjatë vitit 2010, Ilir Meta ka blerë një apartament tek Rruga e Barrikadave në Tiranë me vlerë 400 mijë euro.

Ilir Meta thotë ne letra se 200 mijë euro i ka marrë kredi dhe 200 mijë euro të tjera i ka kursyer.

Më vonë, bashkëshortja e Ilir Metës, Monika Kryemadhi del edhe shet disa apartamente që nuk dihet se si i ka blerë.

Monika deklaron shitje apartamenti 345 mijë uro, shitje apartamenti 60 mijë euro, shitje apartamenti 85 mijë euro, shitje apartamenti 57 mijë euro, shitje apartamenti 64 mijë euro etj.

Këtu nuk llogarisim vilën në Bllok, vilën në Gjirin e Lalzit dhe një tjetër vilë në Golem, që e ka shitur më vonë.

Këtu nuk llogarisim pjesë në qendra tregtare, rrjete dyqanesh, gurore, pjesë pallatesh etj., të gjitha këto me vetëm dy rroga shteti.

Ditët e fundit, gjyqtarë dhe prokurorë, po fluturojnë nga sistemi i drejtësisë vetëm se kanë nga një shtëpi, një garazh, makinë apo disa dhjetëra milionë lekë të pajustifikuara.

Ilir Meta vijon të mbetet President i Republikës së Shqipërisë, duke qenë pronar i një pasurie prej dhjetëra milionë euro, e cila buron qartësisht nga veprimtaria korruptive dhe trafiqet.

Me të ardhurat e tij të ligjshme, që përbëhen vetëm nga dy rroga, Ilir Meta nuk mund të justifikojë asnjë nga parlamentet apo vilat e tij, të deklaruara apo të fshehura.

Vetëm vila në Gjirin e Lalzit, sipas përllogaritjeve të ekspertëve, ka një vlerë mbi 1.5 milionë euro./Pamfleti.com